——試填《萬里長城永不倒》閩南版

◎閩南語填詞：limkianhui ｜ 原底粵語詞：盧國沾 ｜ 曲：黎小田（伴奏下載）

Sit-sîn pah-nî, kok-bîn í kak-chhíⁿ.
失神百年，國民已覺醒。（昏睡百年，国人渐已醒。）
Siang-ba̍k thí-khui, chim-chiok khoàⁿ–khì.
雙目搋開，斟酌看去。（睁开眼吧，小心看吧。）
Siáⁿ-lâng kam-goān hō· lâng khi.
啥儂甘願互儂欺。（哪个愿臣虏自认。）
Chi̍t-sî lám-nōa tìⁿ cha̍t-phīⁿ.
一時攬爛tìⁿ實鼻。（因为畏缩与忍让。）
Hō· lâng chau-that lêng-tî.
互儂糟蹋凌遲。（人家骄气日盛。）
Chhut-siaⁿ jióng lah, tōa-siaⁿ jióng lah.
出聲嚷啦，大聲嚷啦。（开口叫吧，高声叫吧。）
Chit-pang sī choân-kok khí-kî.
即幫是全國起旗。（这里是全国皆兵。）
Le̍k-lâi chha̍t-jîn beh chiàm-niá.
歷來賊人卜佔領。（历来强盗要侵入。）
Kiat-bóe tio̍h bô-miā.
結尾著無命。（最终必送命。）
Bān-lí Tn̂g-siâⁿ bān-sè ióng.
萬里長城萬世勇。（万里长城永不到。）
Chhian-lí N̂g-hô chúi hiong-hiong.
千里黃河水洶洶。（千里黄河水滔滔。）
Kang-san siù-lē oán-jiân tô·-ūi.
江山秀麗宛然圖繪。（江山秀丽叠彩锋岭。）
Chhiáⁿ-mn̄g ngó·-kok thài ē tì-pīⁿ.
請問我國汰會致病。（问我国家哪像染病。）
Chhiong koh-chài chhiong, goán m̄ hòng-khì.
衝佫再衝，阮呣放棄。（冲开血路，挥手上吧。）
Ūi-tio̍h lán kok-ka heng-khí.
為著咱國家興起。（要致力国家中兴。）
Chhân-hn̂g ná kham koh-chài thún-ta̍h.
田園哪堪佫再thún踏。（岂让国土再遭践踏。）
Lâng-lâng tio̍h-ài chiáng-chì.
儂儂著噯長志。（个个负起使命。）

Bān-lí Tn̂g-siâⁿ bān-sè ióng.
萬里長城萬世勇。（万里长城永不到。）
Chhian-lí N̂g-hô chúi hiong-hiong.
千里黃河水洶洶。（千里黄河水滔滔。）
Kang-san siù-lē oán-jiân tô·-ūi.
江山秀麗宛然圖繪。（江山秀丽叠彩锋岭。）
Chhiáⁿ-mn̄g ngó·-kok thài ē tì-pīⁿ.
請問我國汰會致病。（问我国家哪像染病。）
Chhiong koh-chài chhiong, goán m̄ hòng-khì.
衝佫再衝，阮呣放棄。（冲开血路，挥手上吧。）
Ūi-tio̍h lán kok-ka heng-khí.
為著咱國家興起。（要致力国家中兴。）
ka-hn̂g ná kham koh-chài thún-ta̍h.
家園哪堪佫再thún踏。（岂让国土再遭践踏。）
Tōa-gû í-keng khùn cheng-sîn.
大牛已經睏精神。（这睡狮渐已醒。）



PS.啥物儂願意唱出來我聽看māi咧？