鹭水芗南-闽南语部落 http://limkianhui.mocasting.com 漳泉父母話～離鄉不離腔！ Mon, 22 Mar 2010 10:21:41 +0800 我的BLOG又佫搬家ah~~~ http://limkianhui.mocasting.com/p/113935#comments Fri, 20 Apr 2007 19:21:22 +0800 limkianhui 隨心 有的无的 http://limkianhui.mocasting.com/p/113935# 我知影moCasting.com是一間優秀的BSP託管，若毋是因為我儂滯佇中國，我嘛bōe來離開chia。人生著是按呢，反來反去，變化無常，今仔日猶佫好勢好勢，明仔再hoān勢隨出代誌矣！原因講傷儕無路駛，互儂去ioh就好矣。卜走進前，真感謝mocasting.com提供的服務，嘛感謝各位好朋友的關心。長期按呢搬來徙去，真正bē堪得，我家己心肝掠坦橫，雖罔是窮赤，猶原喙齒根咬ân，敢敢租一tè空間落來，家己搭blog，“家己刣，趁腹內”。新厝滯佇： http://hokkienese.com有看著的朋友，chiah相招來去行踏se̍h-chhit-thô heh^^^^^^^^^^ 我知影moCasting.com是一間優秀的BSP託管，若毋是因為我儂滯佇中國，我嘛bōe來離開chia。人生著是按呢，反來反去，變化無常，今仔日猶佫好勢好勢，明仔再hoān勢隨出代誌矣！原因講傷儕無路駛，互儂去ioh就好矣。卜走進前，真感謝mocasting.com提供的服務，嘛感謝各位好朋友的關心。長期按呢搬來徙去，真正bē堪得，我家己心肝掠坦橫，雖罔是窮赤，猶原喙齒根咬ân，敢敢租一tè空間落來，家己搭blog，“家己刣，趁腹內”。

新厝滯佇： http://hokkienese.com

有看著的朋友，chiah相招來去行踏se̍h-chhit-thô heh^^^^^^^^^^



]]> 【中国两会〗厦门：提案将闽南话列入厦公务员培训内容 http://limkianhui.mocasting.com/p/110586#comments Sun, 25 Mar 2007 10:48:09 +0800 limkianhui 時事/新聞 母语消息 http://limkianhui.mocasting.com/p/110586# 新闻中心|厦门|台湾|两岸|海西|国内|国际|评论|军事|财经|体育|娱乐|传媒|报料|海导数字报 民坊社区|台海博客|圈友城市|网络杂志|图吧|在线播放|网络电视|同城互助|地图114|点歌|彩铃 商务中心|房产|车市|美食|旅游|家居|证券|行情|时尚|健康|情感|文化|金卡联盟|供求信息 保护闽南方言，致公党厦门市委建议—— 将闽南话列入公务员培训内容 　　厦门是一座开放的城市，普通话普及率相当高。然而，在大力推广普通话的同时，人们也逐渐看到一个严峻的事实，即闽南方言的萎缩，越来越多的年轻人不会说家乡的闽南语。 　　为此，致公党厦门市委将在今年的政协大会上提交一份提案，名为《关于抢救与保护我市闽南方言的建议》，其中一条最引人注目的建议是，将闽南方言列入新录用的公务员的培训内容。 现状 孩子们逐渐不会说闽南话 　　这份提案的执笔人是致公党党员、厦大中文系教授林寒生。 　　林教授说，他在调查厦门部分中小学和幼儿园时发现，厦门市中小学生与幼儿在语言交际中，对普通话的重视与使用已日益增强，普通话已成为一种主流语言，但闽南话却已呈现出萎缩与消退的态势，尤其在年龄段较低的幼儿园中表现得更为突出。 　　林教授认为，地方方言作为一种人们交际的符号系统与工具，具有承载地域文化的功能，也算是一种非物质性文化遗产，同时也是一种特殊的不可再生的资源。推广普通话与保护地方方言并不矛盾，因此，在当前推广普通话取得显著成绩的同时，应立即着手抢救和保护闽南方言的工作。 ...
新闻中心|厦门|台湾|两岸|海西|国内|国际|评论|军事|财经|体育|娱乐|传媒|报料|海导数字报
民坊社区|台海博客|圈友城市|网络杂志|图吧|在线播放|网络电视|同城互助|地图114|点歌|彩铃
商务中心|房产|车市|美食|旅游|家居|证券|行情|时尚|健康|情感|文化|金卡联盟|供求信息

保护闽南方言，致公党厦门市委建议——

将闽南话列入公务员培训内容

　　厦门是一座开放的城市，普通话普及率相当高。然而，在大力推广普通话的同时，人们也逐渐看到一个严峻的事实，即闽南方言的萎缩，越来越多的年轻人不会说家乡的闽南语。

　　为此，致公党厦门市委将在今年的政协大会上提交一份提案，名为《关于抢救与保护我市闽南方言的建议》，其中一条最引人注目的建议是，将闽南方言列入新录用的公务员的培训内容。


现状 孩子们逐渐不会说闽南话

　　这份提案的执笔人是致公党党员、厦大中文系教授林寒生。

　　林教授说，他在调查厦门部分中小学和幼儿园时发现，厦门市中小学生与幼儿在语言交际中，对普通话的重视与使用已日益增强，普通话已成为一种主流语言，但闽南话却已呈现出萎缩与消退的态势，尤其在年龄段较低的幼儿园中表现得更为突出。

　　林教授认为，地方方言作为一种人们交际的符号系统与工具，具有承载地域文化的功能，也算是一种非物质性文化遗产，同时也是一种特殊的不可再生的资源。推广普通话与保护地方方言并不矛盾，因此，在当前推广普通话取得显著成绩的同时，应立即着手抢救和保护闽南方言的工作。

建议 公务员要能听懂基本的闽南语

　　如何抢救和保护闽南语？致公党厦门市委在提案中提出了多条具体建议，如开展闽南方言生态普查；组织搜集和编写、出版厦门方言鲜活语料；筹办厦门市语言文化研究会；举办抢救和保护闽南方言的论坛；组织编写闽南语教材等。

　　这份提案中有一个醒目的建议是：将闽南方言列入新录用的公务员的培训内容。对新录用的公务员进行厦门历史、地理、风土人情等方面的培训，使其达到能听懂基本的闽南语的水平。

　　林寒生教授表示，上海市今年已做出规定，新录用的公务员必须修上海话。这种新规定与做法可供厦门借鉴。

　　此外，这份提案中还建议将闽南方言作为窗口和服务性行业从业人员的基本要求。商业、邮电、文化、铁路、交通、民航、旅游、银行、保险、医院等服务性行 业的从业人员，以及少量以口语表达为职业，直接面向社会公众的服务性行业从业人员（如站、场、车、机、舟船播音员等），既要求他们实现普通话达标，也应要 求他们适当掌握一些最基本的闽南话。

　　为了防止青少年一代闽南话“断层”现象，提案中还建议试用普通话和闽南话双语教学。在中小学、幼儿园教学中，教师授课以普通话为主，但允许其视具体情况适当穿插或兼用方言作通俗讲解，提倡学生在校或在家采用普通话和方言进行双语自由交流。

　　以上新闻转自《海峡导报》。记者/黄智敏 通讯员/陈木金

]]> 閩南喝拳[hoah-kûn] http://limkianhui.mocasting.com/p/110519#comments Sat, 24 Mar 2007 21:02:08 +0800 limkianhui 遊戲 文化民俗 http://limkianhui.mocasting.com/p/110519# 佇網頂chhiau著一寡有滋養的，hiù出來互咱逐个罔鼻芳。儂講「君子無贏頭拳」，闽南拳，講究「拳不離母」（出拳一定噯出「大頭拇」），有的所在無喝「五」。閩南在地儂喝拳攏全閩南拳，佇chia汝nā卜佮儂“哥倆好”（ko-liâ-hâu），he是無儂卜佮汝“好”（hâu）。外江儂喝拳駛普通（普通話），講hit號：一点点、俩相好、三星照、四季财、五魁首、六六顺、七个巧、八匹马、酒（九）你喝、 全福寿。廈門儂實在有影真古錐，喝拳嘛攏全齣頭了了。斟酌看māi，汝著知——「廈門路名拳」：一條龍、二舍廟、三條巷、四仙街、梧（佮「五」同音）桐埕、六仙公、七市場、八卦埕、九竹巷、十字路、不見天（對手拳）。「三國拳」：單刀赴會、二嫂過 溪、三戰呂佈、四門總開、五關斬將、六出祁山、七擒孟獲、八卦陣圖、九進中原、舌（十）戰群儒 （「舌：sia̍t」佮「十：si̍p」照講是無共音）「中草藥拳」：一見喜、兩面針、三君子、四物湯、 五加皮、六神丸、七星散、八卦丹、九宮散、十全大補 佇網頂chhiau著一寡有滋養的，hiù出來互咱逐个罔鼻芳。

儂講「君子無贏頭拳」，闽南拳，講究「拳不離母」（出拳一定噯出「大頭拇」），有的所在無喝「五」。閩南在地儂喝拳攏全閩南拳，佇chia汝nā卜佮儂“哥倆好”（ko-liâ-hâu），he是無儂卜佮汝“好”（hâu）。外江儂喝拳駛普通（普通話），講hit號：一点点、俩相好、三星照、四季财、五魁首、六六顺、七个巧、八匹马、酒（九）你喝、 全福寿。

廈門儂實在有影真古錐，喝拳嘛攏全齣頭了了。斟酌看māi，汝著知——

「廈門路名拳」：一條龍、二舍廟、三條巷、四仙街、梧（佮「五」同音）桐埕、六仙公、七市場、八卦埕、九竹巷、十字路、不見天（對手拳）。

「三國拳」：單刀赴會、二嫂過 溪、三戰呂佈、四門總開、五關斬將、六出祁山、七擒孟獲、八卦陣圖、九進中原、舌（十）戰群儒 （「舌：sia̍t」佮「十：si̍p」照講是無共音）

「中草藥拳」：一見喜、兩面針、三君子、四物湯、 五加皮、六神丸、七星散、八卦丹、九宮散、十全大補



]]> 國家語言≠官方語言 http://limkianhui.mocasting.com/p/110358#comments Fri, 23 Mar 2007 14:51:32 +0800 limkianhui 時事/新聞 母语消息 http://limkianhui.mocasting.com/p/110358# 本站頂日頭仔有報導台灣行政院當咧制訂「國家語言發展法」草案，按算將現子時台灣境內所有的自然語言攏總chhiâu平大，互in攏通成做「國家語言」（詳細情形請看《閩南語有可能成做台灣「國家語言」》）。即條消息自《聯合報》登出來了後，凡勢引發台灣社會各界人士無共款的解讀。下面來報導「台灣**社」成員張復聚先生最近發表佇《自由時報》「自由廣場」的一篇文章，題目號做《從國家語言到官方語言》，因為這原文是用華文寫的， 咱taⁿ卜來共伊翻譯做閩南文。 《按國家語言遘官方語言》 行政院決定卜推動「國家語言發展法」，承認所有台灣本土語言攏是國家語言，soah互台灣儂感覺ná像強卜出頭天的款！是講，行政院雖然決定卜推動「國家語言發展法」，承認所有台灣本土語言攏是國家語言（National Languages），呣佫soah無按算卜討論官方語言（Official Languages）。論真講啦，這國家語言只不過是咧承認各種語言地位平等，講咔歹聽的，he攏政治性的口號niâ，講過giàn的niâ，無算真真正正的尊重。聯合國taⁿ已經將咱國的幾落種母語，算做是強卜死絕（sí-che̍h）去的語言。卜安怎來挽救咧？學術界認為講：語言傳湠（thn̂g-thoàⁿ）佮發展，一定噯有文字化、標準化佮現代化，佫來，上無佫著噯有75％的族人積極來使用！台灣政府nā真正卜尊重台灣儂、真正卜寶惜台灣語言文化、真正卜落實聯合國語言佮文化政策，著應該結合每一个所在的地方特色，順紲討論制訂合適的官方語言，比論講，佇阿美族（Amis）地區嘛會當共阿美族語當做官方語言，共伊用佇咧各種官方文書當中，互阿美族語通有機會復活佮發展起來，這chiah是正港號做現代、文明、本土佫有世界觀的台灣政府！威爾斯的做法佮經驗值得參考。當然，保留全國通用語言佮教育國際語言嘛真要緊。本儂佇遮提出一寡具體的建議：一、即時佇全國範圍內調查母語使用的狀況。二、栽培母語教師︰根據語言使用調查的結果，確定母語教師的數量，用心來kā栽培。三、編輯出版教材佮課外冊，包括各種專用辭典（科技、法律、醫學、藝術等等）。四、適當增加母語教學的時數，將母語成績列入考核，抑是講做為升學考試加分的根據。五、拼雙語教育，用母語來做教學語言。六、冗早（liōng-tsá）來做羅馬字的教學，提懸教學效率。七、各級政府機關佮學校噯制定母語服務計畫。八、鼓勵有發展性的母語教育，用三十年的時間，將母語提升遘官方語言的級聲。自由廣場登出即篇文章了後，佇即時民調當中會當知影，有 tih-beh 87.5%的儂表示支持。 本站頂日頭仔有報導台灣行政院當咧制訂「國家語言發展法」草案，按算將現子時台灣境內所有的自然語言攏總chhiâu平大，互in攏通成做「國家語言」（詳細情形請看《閩南語有可能成做台灣「國家語言」》）。即條消息自《聯合報》登出來了後，凡勢引發台灣社會各界人士無共款的解讀。下面來報導「台灣**社」成員張復聚先生最近發表佇《自由時報》「自由廣場」的一篇文章，題目號做《從國家語言到官方語言》，因為這原文是用華文寫的， 咱taⁿ卜來共伊翻譯做閩南文。



 《按國家語言遘官方語言》

行政院決定卜推動「國家語言發展法」，承認所有台灣本土語言攏是國家語言，soah互台灣儂感覺ná像強卜出頭天的款！

是講，行政院雖然決定卜推動「國家語言發展法」，承認所有台灣本土語言攏是國家語言（National Languages），呣佫soah無按算卜討論官方語言（Official Languages）。論真講啦，這國家語言只不過是咧承認各種語言地位平等，講咔歹聽的，he攏政治性的口號niâ，講過giàn的niâ，無算真真正正的尊重。聯合國taⁿ已經將咱國的幾落種母語，算做是強卜死絕（sí-che̍h）去的語言。卜安怎來挽救咧？學術界認為講：語言傳湠（thn̂g-thoàⁿ）佮發展，一定噯有文字化、標準化佮現代化，佫來，上無佫著噯有75％的族人積極來使用！台灣政府nā真正卜尊重台灣儂、真正卜寶惜台灣語言文化、真正卜落實聯合國語言佮文化政策，著應該結合每一个所在的地方特色，順紲討論制訂合適的官方語言，比論講，佇阿美族（Amis）地區嘛會當共阿美族語當做官方語言，共伊用佇咧各種官方文書當中，互阿美族語通有機會復活佮發展起來，這chiah是正港號做現代、文明、本土佫有世界觀的台灣政府！威爾斯的做法佮經驗值得參考。當然，保留全國通用語言佮教育國際語言嘛真要緊。

本儂佇遮提出一寡具體的建議：

一、即時佇全國範圍內調查母語使用的狀況。

二、栽培母語教師︰根據語言使用調查的結果，確定母語教師的數量，用心來kā栽培。

三、編輯出版教材佮課外冊，包括各種專用辭典（科技、法律、醫學、藝術等等）。

四、適當增加母語教學的時數，將母語成績列入考核，抑是講做為升學考試加分的根據。

五、拼雙語教育，用母語來做教學語言。

六、冗早（liōng-tsá）來做羅馬字的教學，提懸教學效率。

七、各級政府機關佮學校噯制定母語服務計畫。

八、鼓勵有發展性的母語教育，用三十年的時間，將母語提升遘官方語言的級聲。

自由廣場登出即篇文章了後，佇即時民調當中會當知影，有 tih-beh 87.5%的儂表示支持。

]]> 閩南語有可能成做台灣「國家語言」 http://limkianhui.mocasting.com/p/110134#comments Wed, 21 Mar 2007 16:34:44 +0800 limkianhui 時事/新聞 母语消息 http://limkianhui.mocasting.com/p/110134# ——閩南語、客語將同列國家語言 台灣聯合報2007年3月20消息報導：   台灣行政院制訂「國家語言發展法」草案，將卜去除「國語」、「方言」的概念，明確確定本國族群或者地方佇咧使用的自然語言（包括閩南語、原住民語等等），攏總是國家語言，國民有權使用，禁止歧視。佇即款情形之下， 「國語」佮「方言」的講法，將會成做歷史名詞。 台灣行政院即陣已經完成對即項草案的審查，近期內將會提送行政院會做討論。根據了解，台灣行政院長蘇貞昌佇舊年捌講過，語言的推動，應該噯用自然佮鼓勵的方式來運作，互各族群的儂來尊重各種語言；伊反對利用公權力、壓力或者是其它的資源佇咧推動國家語言。聽咧講，制訂即个法案本成著是陳水扁（現任台灣總統，民進黨）佇咧2000年競選總統的時陣提出來的一項重要政治主張，往過台灣教育部佮文建會嘛捌推動國家語言發展法，將台語（閩南語，漳泉）佮客語（客家話）共伊列做主要的官方語言，當時因為安呢引發著社會各界一場的紛會。台灣行政院即擺草擬（chhó-gí）的法案，乾凋（kan-ta）十个條文，是採用概念佮原則性佇咧立法，主要目的著是卜消除「國語」佮「方言」的概念。台灣行政院的官員講，未來呣管是所謂的國語、北京話、閩南語、客家話、原住民語……橫直即陣所有（台灣）人民使用的語言佮地方使用的自然語言攏是國家語言。講遘外界有佇咧紛會的「官方語言」佮「文字」的問題，台灣行政院即遍是采取分開看待、分開處理，避免去惹著自底著有夠敏感的族群議題。草案也強調語言的傳湠（thn̂g-thoàⁿ）佮振興，明定政府著辦理國家語言的保存、傳湠、學習佮研究；對著有傳承危機的國家語言著制訂「國家語言復振計畫」。為卜確保國民享有使用國家語言、接受政府服務佮利用公共資源的權利，政府機關噯提供播音、諮詢、通譯、會議口譯佮手語等等的必要設施。消息源頭：【2007/03/20 聯合報】@ http://udn.com/ ——閩南語、客語將同列國家語言

台灣聯合報2007年3月20消息報導：
  
台灣行政院制訂「國家語言發展法」草案，將卜去除「國語」、「方言」的概念，明確確定本國族群或者地方佇咧使用的自然語言（包括閩南語、原住民語等等），攏總是國家語言，國民有權使用，禁止歧視。佇即款情形之下， 「國語」佮「方言」的講法，將會成做歷史名詞。

台灣行政院即陣已經完成對即項草案的審查，近期內將會提送行政院會做討論。根據了解，台灣行政院長蘇貞昌佇舊年捌講過，語言的推動，應該噯用自然佮鼓勵的方式來運作，互各族群的儂來尊重各種語言；伊反對利用公權力、壓力或者是其它的資源佇咧推動國家語言。聽咧講，制訂即个法案本成著是陳水扁（現任台灣總統，民進黨）佇咧2000年競選總統的時陣提出來的一項重要政治主張，往過台灣教育部佮文建會嘛捌推動國家語言發展法，將台語（閩南語，漳泉）佮客語（客家話）共伊列做主要的官方語言，當時因為安呢引發著社會各界一場的紛會。



台灣行政院即擺草擬（chhó-gí）的法案，乾凋（kan-ta）十个條文，是採用概念佮原則性佇咧立法，主要目的著是卜消除「國語」佮「方言」的概念。

台灣行政院的官員講，未來呣管是所謂的國語、北京話、閩南語、客家話、原住民語……橫直即陣所有（台灣）人民使用的語言佮地方使用的自然語言攏是國家語言。講遘外界有佇咧紛會的「官方語言」佮「文字」的問題，台灣行政院即遍是采取分開看待、分開處理，避免去惹著自底著有夠敏感的族群議題。

草案也強調語言的傳湠（thn̂g-thoàⁿ）佮振興，明定政府著辦理國家語言的保存、傳湠、學習佮研究；對著有傳承危機的國家語言著制訂「國家語言復振計畫」。為卜確保國民享有使用國家語言、接受政府服務佮利用公共資源的權利，政府機關噯提供播音、諮詢、通譯、會議口譯佮手語等等的必要設施。

消息源頭：【2007/03/20 聯合報】@ http://udn.com/

]]> 台湾教育部定伫咧07年四月公布“闽南语常用字词”（三百字） http://limkianhui.mocasting.com/p/109860#comments Mon, 19 Mar 2007 15:28:50 +0800 limkianhui 教育 母语消息 http://limkianhui.mocasting.com/p/109860#  　  台湾教育主管部门研究几落年的一项计划，号做“闽南语常用字词”，第一阶段三百字，按算伫咧今年四月向社会公布实施。这嘛是台湾教育部门旧年（06年）10月所公布“台湾闽南语罗马拼音方案”的一项配套方案。　　照台湾中央社伫咧报道讲，眼时前（gián-sî -chêng）伫咧研讨，犹未定案的闽南语常用字词有300字。按算每一个字词拢会列出词目、读音、用词举例，犹佫有北仔话（普通话）对照字词。可比讲， “尪仔”对照着北仔话的“玩偶、人像”，用词举例“布袋戏尪仔、尪仔标”。 　　根据了解，即摆台湾教育部门伫咧选摘“闽南语常用字词”的时阵，会当讲是“细腻佫细腻”，无凊採拣字，无乌白造字。要求逐字拢有法度用电脑拍出来，反切音着嗳会合（ha̍h）。安呢做，听咧讲是为着卜避免去拣着一寡“古字、怪字”。　　台湾教育部门自2005年着开始伫咧整理闽南语常用字词，按算第一阶段卜整理公布三百字，第二阶段整理公布二千字。另外根据了解，即三百字，原底是按算去年着卜来公布，不而过，soah因为各方面会来会去，一时拢无法度定案，chiah会延（chhiân）遘今年四月。Ah nā讲遘目今即三百字，只是计划当中的一小部分niā-niā，此去，“闽南语常用字词”按算拢总整理“二千字”的数额，啥物时阵chiah会完全定案，犹原是无法度确定。  　  台湾教育主管部门研究几落年的一项计划，号做“闽南语常用字词”，第一阶段三百字，按算伫咧今年四月向社会公布实施。这嘛是台湾教育部门旧年（06年）10月所公布“台湾闽南语罗马拼音方案”的一项配套方案。



　　照台湾中央社伫咧报道讲，眼时前（gián-sî -chêng）伫咧研讨，犹未定案的闽南语常用字词有300字。按算每一个字词拢会列出词目、读音、用词举例，犹佫有北仔话（普通话）对照字词。可比讲， “尪仔”对照着北仔话的“玩偶、人像”，用词举例“布袋戏尪仔、尪仔标”。

　　根据了解，即摆台湾教育部门伫咧选摘“闽南语常用字词”的时阵，会当讲是“细腻佫细腻”，无凊採拣字，无乌白造字。要求逐字拢有法度用电脑拍出来，反切音着嗳会合（ha̍h）。安呢做，听咧讲是为着卜避免去拣着一寡“古字、怪字”。

　　台湾教育部门自2005年着开始伫咧整理闽南语常用字词，按算第一阶段卜整理公布三百字，第二阶段整理公布二千字。另外根据了解，即三百字，原底是按算去年着卜来公布，不而过，soah因为各方面会来会去，一时拢无法度定案，chiah会延（chhiân）遘今年四月。Ah nā讲遘目今即三百字，只是计划当中的一小部分niā-niā，此去，“闽南语常用字词”按算拢总整理“二千字”的数额，啥物时阵chiah会完全定案，犹原是无法度确定。

]]> 假使汝滯佇一个烏暗ê國家…… http://limkianhui.mocasting.com/p/108795#comments Mon, 12 Mar 2007 22:09:02 +0800 limkianhui 事件 在地料理 http://limkianhui.mocasting.com/p/108795# 2007 nî, lán lâng ê chiaⁿ-goe̍h chhe-it.Góa chhōa bó·-kiàⁿ tò-tńg-khì góan pē-bó-tau. Góan tau tòa Chiang-chiu Liông-hái-chhī Pe̍h-tsúi-tìn Soaⁿ-piⁿ-chhoan. Tiong-tàu, chí-hū in chi̍t-ke-kháu-á saⁿ-ê kòe-lâi góan chhù chia̍h-pn̄g. Poàⁿ-po·, chí-hu ... 2007 nî, lán lâng ê chiaⁿ-goe̍h chhe-it.

Góa chhōa bó·-kiàⁿ tò-tńg-khì góan pē-bó-tau. Góan tau tòa Chiang-chiu Liông-hái-chhī Pe̍h-tsúi-tìn Soaⁿ-piⁿ-chhoan. Tiong-tàu, chí-hū in chi̍t-ke-kháu-á saⁿ-ê kòe-lâi góan chhù chia̍h-pn̄g. Poàⁿ-po·, chí-hu chio goán khì in tau chē. Chí-hu in chhù tī keh-piah-siā, in hit siā sio̍k-tī Tāi-hê-chhoan ê ha̍t-khu, hō-tsòe “Tōa-po·-siā”, lī goán chit siā bô lōa hn̄g. Àm-tǹg tòa chí-hu in tau chia̍h. Phah-sǹg sin-chiaⁿ nî-tau êng-êng khah bô sáⁿ tāi-chì, a-chí tsá-tsá to̍h khoán oáⁿ-tī toh-í, chhoân chheⁿ-chhau–ê chhut-lâi.

Chia̍h-pá liáu-āu, thiⁿ iáu-koh bōe o·, lán siūⁿ-kóng hoâiⁿ-ti̍t mā bô sáⁿ iàu-kín ê tāi-chì, tsoâⁿ kè-sio̍k tiàm kheh-thiaⁿ leh chia̍h-tê khai-káng, ná khoàⁿ tiān-sī, ná hoah-sian. Chí-hu chêng chia̍h-pá-pn̄g liáu-āu to̍h chhut-khì, kú-kú lóng bô tò-tńg–lâi, chhù–ê kan-na chhun a-chí, gōe-seng, goán khan-chhiú–ê kah cha-bó·-kiáⁿ, hām góa pún-lâng tī–leh.

Tī-leh chit-ê tiong-kan, ē-kì-tit ū nn̄g saⁿ ê lâng lâi chhù–ê, chhiàng-miâ kóng beh kiò goán chí-hu chhut-khì chia̍h-chiú. Chit tīn lâng thâu-bóe lóng-tsóng lâi saⁿ pái. Chí-hū bô tī–leh, ah chiah-ê lâng soah chi̍t pái pí chi̍t pái khah pháiⁿ siaⁿ-sàu. Kiàn-pái lâi-kàu, a-chí to̍h chhiáⁿ in chia̍h-tê, kā kái-soeh kóng “chin pháiⁿ-sè, i lâng (chí-hu) ū-iáⁿ bô tī–leh, chhiú-ki iā khah bē-thong”, koh hó-ì kā in kóng “ah bô, lēng-ji̍t nā ū sî-kan chiah lâi sio-chhiàⁿ”….

(Sū-āu, goán chiah thiaⁿ-kóng, thâu-tú-chiah chí-hu tī chhù–ê chia̍h-pá chhut-khì liáu-āu, tùi-hong (hiah-ê lâng) ti̍t-ti̍t khà tiān-oē chio i khì chia̍h-chiú. Chí-hu tsai-iáⁿ tùi-hong bô hó-ì, sī tsûn-pān beh thàn chia̍h-chiú ê tiong-kan kā i làu-khùi, khiám-chhái koh ē hō· in táⁿ-tia̍p–khì. Chí-hu i kiaⁿ kóng nā gōng-gōng tah-èng tùi-hong, sî–kàu nā hông chhòng-tī–khì, án-ne to̍h m̄-hó, só·-í ti̍t-ti̍t thê-sî, m̄-ài khì. Put-jî-kò, tùi-hong chèⁿ kóng, Pe̍h-tsúi-tìn ê Lîm tìn-tiúⁿ kah Tāi-hê-chhoan ê Lîm chhoan-tiúⁿ  in nn̄g-ê oân-á ū tsāi-tiûⁿ, te̍k-khak ài chí-hu (chí-hu sī Tāi-hê-chhoan tóng-chi-pō· hù su-kì) khì tsò-pôe. Lō·-bóe, in chhōe-tio̍h chí-hu ê lâng, iōng “iam-ke-á pōe-si̍t” án-ne ngē kā i ah–khì. Chí-hu hō· in ngē ah-khì liáu-āu, ko·-put-jî-chiong tòa chiú-toh–ê tsē-leh sì gō· hun-cheng kú. Bóe–á, chí-hu khoàⁿ Lîm tìn-tiúⁿ kah Lîm chhoan-tiúⁿ beh làng-liâu, tsoâⁿ thàn in chhut–lâi. Koh lâi kóng, tī-leh chiú-toh-téng, hó-ka-tsài ū chi̍t-ê hó-sim-lâng kā chí-hu sái-ba̍k-sek, àm-sī chí-hū ê-hng ài sè-jī, tāi-chì bô hiah kan-tan niâ. Chí-hu tsai-khang kóng hiah-ê lâng kin-pún to̍h m̄-sī sêng-ì beh lâi chhiáⁿ chia̍h-chiú, in ún-tàng sī ke-sian beh lâi chhióng-sū, bo̍k-tek to̍h-sī beh lia̍h i chhut-tsúi, sia̍t-kè hō· i pháiⁿ-khoàⁿ. Chí-hu lú siūⁿ lú kiaⁿ, chhut-lâi liáu-āu, tsoâⁿ tsáu-khì bih. Chí-hu liāu-tio̍h hiah-ê lâng ún-tàng bē pàng i soah, ún-tàng ē koh tsáu-khì chhù–ê chhōe i khí-bô-khang. Chí-hu chiah koh khà tiān-oē kau-tāi a-chí “nā sī hiah-ê lâng lâi chhōe, kā in kóng bô tī–leh”…)

Soah-m̄-tsai hiah-ê lâng pún-té to̍h-sī lâi jiá-khang khí-sū ê, m̄-koán goán a-chí án-tsoáⁿ hó-chhùi kā kái-soeh kóng hó-oē mā bô khah tsoa̍h. Hiah-ê lâng kóng-oē ná lâi nái pháiⁿ siaⁿ-sàu, ti̍t-ti̍t pàng-tiâu kah chhiàng-siaⁿ, ài goán chí-hu chek-sî chhut-lâi kìⁿ-bīn, nā bô, kheh-thiaⁿ hit chiah tê-toh-á beh sûi kāi hiau péng-lìn-phak. Hiah-ê lâng pháiⁿ-chhèng-chhèng, ok-khia̍t-khia̍t, goán chí–á kiaⁿ in chin-chiàⁿ pìⁿ-bīn khí-sū, kio̍k-put-kio̍k seng tah-èng kóng beh sûi chhut-khì gōa-kháu chhōe goán chí-hu tńg–lâi.

A-chí tú-chiah chhut-khì bô-lōa-kú niâ, goán ke-āu khoàⁿ sè-bīn bô sáⁿ tùi-tâng, tsoâⁿ kā góa kóng, “bô, seng lâi tsáu”. Khan-chhiú–ê sī kiaⁿ tsa-bó·-kiáⁿ khì hō· hiah-ê chiú-hàn kiaⁿ–tio̍h, chiah ē kiò góa khoán-khoán–ê tsún-pī thang tsáu.

Koh-lâi kóng chit tīn lâng phah-sǹg ū-khang chhōe bô-sún, thiau-khang beh khí-hō· seng-toan. Tú-hó tang-tiong ū chit-ê chhōa-thâu–ê chêng ji̍p-mn̂g to̍h tsē-tio̍h goán bó· kheh tī sa-hoat-í ê chi̍t niá gōa-saⁿ. Goán khan-chhiú–ê kiâⁿ-kòe-khì kā hit-ê lâng hó-chhùi, kiò i sió khiā–khí-lâi–chi̍t-ē. Bô-gî-gō· tùi-hong soah bē-sū hit-lō ti-káu-gû, tùi-chhùi kā goán bó· háⁿ (háng) kóng “góa sī án-ná to̍h khí–lâi ? Phêng sím-mi̍h kiò góa khí–lâi ?” Tsoân-jiân bô leh kóng tō-lí, beh sí hông tâi ê khoán-sè. Chêng kàu taⁿ, góa lóng tiām-tiām tsò góa tī piⁿ–á leh khoàⁿ tiān-sī bô chhut-siaⁿ, pún-tsiâⁿ nā m̄-sī tùi-hong kā goán khan-chhiú–ê ìn hit kù oē, góa sī bô àn-sǹg beh thīn–in. Put-jî-kò, chit-siaⁿ bô chhut-bīn bē-sái–tit. Góa tsoâⁿ kiâⁿ-oá kīn-chêng, hó-chhùi koh kāi ko·-chiâⁿ, “sai–ê, lán lâi sió sóa–leh, saⁿ-á kā goán tsē–tio̍h, tán goán hiah–khì-lâi liáu-āu lí chiah koh tsē–loeh, ho·ⁿ ?” Siūⁿ-bē-kàu tùi-hong hoâiⁿ-tsâ giâ-ji̍p tsàu, chin bô kán-tan chiah hāu kah ū tsa-po·–ê lâi póe-hōe, in tiāⁿ-tio̍h bē pàng-sak chit pái ê ki-hōe. Hit-ê chhōa-thâu–ê, khoàⁿ–khì-lâi im-thim im-thim, mā bô kóng tē-jī kù oē, khiā–khì-lâi, kìⁿ-bīn to̍h chi̍t-ē hong-kûn ùi góa ê bīn-chiáⁿ tshāi–loeh! Bōe tán góa hoán-èng–kòe-lâi, tùi-hong í-keng chhi̍h kòe-lâi ngē-cheng ngē-ku̍t. Góa ūi-tio̍h beh pó-hō· ka-tī, tsoâⁿ kah i tùi-khia̍t–khí-lâi…

Tùi-hong tú-thâu-á sī nn̄g-ê, hit-ê chhōa-thâu–ê kah góa tng-leh khia̍t ê sî-tsūn, lēng-gōa chi̍t-ê to̍h tsáu-chhut-khì kiò-lâng. Bô-gî-gō· khah bô poàⁿ hun-cheng-kú niâ, soah tsông-ji̍p-lâi chiâⁿ-tsa̍p-ê kioh-siàu, lóng seⁿ-tsò hoâiⁿ-bah-bīn, chho· koh ióng. Chiah-ê phah-chhiú-á ji̍p-lâi phah chham lo̍h-khì. Goán chí-hu in sió-tī, chhù khiā tī tiâⁿ-á tùi-bīn, thiaⁿ-tio̍h chi̍t-pêng teh sio-phah, koáⁿ-kín piàⁿ kòe-lâi chiàm. Liâm-tong-sî, góa khoàⁿ-tio̍h chhit-peh-ê phah-chhèng-phoe kā góa ûi-leh thoáⁿ kah tsàm. Góa tó–loeh, peh–khí-lâi, koh tó–loeh……Kûn-thâu-bó, phôe-ê-kó·, ke-si-thâu-á…ti̍t-thàu siàng tī góa ê sin-khu–ê, góa sī hoeh-lâu hoeh-tih, o·-thâu bīn-chéng, kut-chi̍h bah-li̍h, kui-sin tsoân tio̍h-siong. Hiah-ê ok-lâng chhut-chhiú chin chhân, kûn-thâu lóng bô leh tsat-la̍t. Tsū án-ne, tsa̍p-gōa-gōa ê lâng phah goán nn̄g-ê tsa-po·–ê, lóng-tsóng phah beh poàⁿ-tiám-cheng kú, chhù-lāi ê tsa-bó·-lâng, lāu-hóe-á, kah siā-lí lâi khǹg ê lâng lóng hō· in tòng tī-leh tōa-thiaⁿ mn̂g-gōa, kui chhù-keng ê ke-si, mi̍h-kiāⁿ tsoâⁿ-pō· hō· in húi-tiāu.

(Ló·-bóe, chhù-piⁿ-tau kah siā-lí ê lâng chiah leh kóng, bōe chhim-mn̂g ta̍h-hō· lâi jiá-sū chìn-chêng, to̍h ū la̍k-chhit-téng sió-chhia tsài chiâⁿ-tsa̍p-ê pháiⁿ-kiáⁿ chiú-tī tsáu-ûi-chhiûⁿ gōa-kháu, àn-sǹg sûi-sî beh chhiong-ji̍p-lâi tāng-chhiú.)

Lâi leh phah-lâng tsau-ke ê sî-tsūn, goán gōe-seng to̍h khà tiān-oē pò-kèng. Siūⁿ-bē-kàu 110 ùi Pe̍h-tsúi-iâⁿ phài-chhut-só·–ê lâi kàu hiān-tiûⁿ té-té 5 kong-lí lō· soah kiâⁿ 40 kúi hun-cheng kú. 110 lâi-kàu, phah mā phah soah ah, húi mā húi kah chha-put-to ah. Koh-khah hàm–ê sī, 110 kèng-jiân kan-na phài 1-ê lâng lâi niâ. Chit-ê hō-tsò “kèng-chhat” ê lâng lâi-kàu, hiān-tiûⁿ chhìn-chhái bāi-bāi leh, loān-sú mn̄g-mn̄g leh, mā bô chek-sî tsò pit-lio̍k, mā bô lia̍h-lâng, ah mā bô kóng beh án-tsoáⁿ chhù-lâi, tsò i chhia khui–leh, oa̍t-thâu tò-tńg–khì lo·h.

Chū pháiⁿ-tô· lâi chhióng-sū Kàu kah phah-lâng phah soah, goán chí-hu lóng bô tńg–lâi. Tiong-kan, in chhù ê lâng ū khà tiān-oē kā i thau-kóng, kiò i sian-sian to̍h m̄-thang chhut-lâi, nā bô, sèⁿ-miā hoān-sè bô–khì. Goán chí-hu chek-sî khà-thong Lîm tìn-tiúⁿ ê chhiú-ki-á, chhéng-kiû kín-kip pó-hō·, bô-gî-gō· Lîm tìn-tiúⁿ soah thê-sî kóng i tng-leh bô-êng, bô hoat-tō· lâi. Tī chit-khoán sū-koan tiōng-tāi ê lâu-pái, tìn-tiúⁿ tāi-jîn iā bô chí-sī phài-chhut-só· kèng-oân ia̍h-chiá tìn-chèng-hú ia̍h-chiá chhoan-úi-hōe iú-koan pō·-bûn jîn-oân koáⁿ kàu hiān-tiûⁿ hia̍p-tiâu chhù-lí, kan-na phái 2-ê tī tìn-chèng-hú khui-chhia ê ki-su lo̍h-lâi sûn-sûn khoàⁿ-khoàⁿ leh, nā-chhiūⁿ hì-tâi-téng tsò-hì-á leh kiâⁿ-hó-khoàⁿ–ê, èng-hù-liáu-sū. 

Hit àm, 110 lóng-tsóng lâi saⁿ-pái. Thâu-pái lâi, tò-tńg–khì liáu-āu bô-lōa-kú, hit tīn phah-chhèng–ê, koh lâi chhù–ê húi chi̍t pái, chiong chhun–ê thang-á-mn̂g, hoe-khaⁿ kah chi̍t-kóa ū–ê bô–ê ka-kū tsoân-pō· kòng kah chhùi-iâm-iâm……Hit ê-hng, chí-hu in kui-ke-hóe-á ka-tī chhù–ê m̄-káⁿ tòa, tsáu-khì  chhù-piⁿ-tau chioh-tòa. Tāi-chì hoat-seng liáu-āu, kui-ê kak-thâu khiā-ke ê siā-lí-lâng lóng-chiâu kiaⁿ kah sih-sih-chhoah, ta̍k-ê kiaⁿ “hòe-sio-chhù sio kòe keng”, khì sàu-tio̍h hong-thai-bóe, ke-ke hō·-hō· lóng tsá-tsá tio̍h koaiⁿ-mn̂g kìm-teng. Chí-hu in chi̍t-ke-káu-á tòa-tī chhù-piⁿ-tau, ùi thang-á-kháu khoàⁿ–chhut-khì, khoàⁿ-tio̍h hiah-ê pháiⁿ-tô· iû-goân tī hia sì-kho·-lìn-tńg chhin-chhiūⁿ siáu-káu án-ne leh sûn kah chhōe. Ta̍k-ê lóng kiaⁿ kah m̄-káⁿ chhut-siaⁿ. Chi̍t-sî, kui-ê siā-lí tiām-chiuh-chiuh, sì-kè bē-su hō· khióng-pò· ê o·-iáⁿ tà-tiâu–ê.

Tē-jī ji̍t, goán chí-hu in lāu-pē siūⁿ bē-tit-kòe, koh chi̍t-pái khà-thong Lîm tìn-tiúⁿ ê chhiú-ki-á, ko·-chiâⁿ i lâi tiāu-tsa chhù-lí. Lîm tìn-tiúⁿ chiàu-goân thê kóng bô-êng, iah mā bô phài jīm-hô lâng lâi. 



……

……

Chiaⁿ-goe̍h chhe-it-àm lâi chhau-ke phah-lâng ê hit-ê tsú-bô·, kah goán chí-hu sī kāng siā-lí ê lâng, miâ hō-tsò “Lîm Kok-hông”. Lîm Kok-hông pún-sin-lâng bô chhōa-bó·, tī Ē-mn̂g phah-phún kúi-á-nî ā, ke-hóe thiaⁿ-kóng ū sió-chheng-bān, kau bē-chió ū-chîⁿ-lâng kah tsò-koaⁿ-lâng, mā chhī chin-chōe pháiⁿ-kiáⁿ phah-chhiú, hit-ê Lîm tìn-tiúⁿ to̍h-sī Lîm Kok-hông ê kiat-pài hiaⁿ-tī. Lîm Kok-hông ū chi̍t-ē sió-mōe (sió-bē), kè hō· chi̍t-ê tī Ē-mn̂g tsò-seng-lí ê Tâi-oân-lâng.

Goán chí-hu bōe tsò Tāi-hê-chhoan tóng-chi-pō· hù-su-kì chìn-chêng, sī tsò chi̍t-ê phó·-thong ê chhoan-úi, hun-koán “kè-oē seng-io̍k” (計劃生育, kán-chheng “kè-seng”) chit-hāng kong-tsok. Tsá-chêng góan chí-hu koán “kè-seng” ê sî-tsūn, bat ū chi̍t-pái thong-ti Lîm Kok-hông in sió-mōe khì pàng-khoân. Lîm–ka put-tān bô phòe-ha̍p kok-ka chèng-chhek, hoán-tò-tńg soah ūi-tio̍h chi̍t-tsân tāi-chí it-ti̍t kā goán chí-hu khioh-hūn tī sim-koaⁿ-thâu.

Chit-pái tsau-ke phah-lâng kòe-āu, Lîm Kok-hông iū-koh chhin-sin khà tiān-oē lâi chhē goán chí-hu. Goán tōa-chí kiò-mn̄g tùi-hong “sī án-tsoáⁿ tsò chit-khoán pháiⁿ-sit-tek ê tāi-chì”, tùi-hông hoán-tò-tńg soah ngē-sí chek-mn̄g kóng “tsá-chêng bó·-lâng leh koán kè-seng ê sî-tsūn, ūi-sím-mi̍h beh ûi-lân in Lîm–ka”. Án-ne to̍h chin hián-bêng ah, chit-pái lâi phah-lâng sńg-tn̄g, goân-in to̍h-sī táⁿ-tek pò-ho̍k.

……

……

Chit-tsân tāi-chì kàu kah chit-mái, kòe-khì 20 kúi ji̍t ah, chhù-lí koh iáu-bōe ka-nn̂g. Tsau-that phah-lâng–ê iû-goân iáu-koh siau-iâu hoat-gōe teh chia̍h-khùn-ún, hông phah hông sńg-tn̄g–ê leh chhi-chhám chē-kòa, chhōe kúi kàu bô pē. Hoān-tsōe ê lâng m̄-nā bô ho̍k-hoat, soah koh pàng-hong-siaⁿ kóng i chîⁿ tsē bô leh kiaⁿ siáⁿ-hòe, kóng i “o·-pe̍h thong-chia̍h”, “beh iōng chîⁿ khì sí, m̄-bián lâng teh chia̍h tsōe”.

Siāng-kài chhìn-sim ê, sī chit-ê kok-ka ê chèng-hú pō·-bûn, in ê só·-chok só·-ûi. Chhiáⁿ-chioh-mn̄g, che kám ū thiⁿ-kong tē-tō? kám iáu-koh ū lu̍t-hoat? Kám iáu-koh ū chèng-hú ?

                                                                                                                                               (2007.3.12) 

]]>