鹭水芗南-闽南语部落

【譯】 limkianhui

這本底是2006年9月26號《參考消息》（日報）發表的一篇訪談。記者是楊瀾小姐，受訪人是彭定康先生。 

話頭：彭定康(Mr. Christopher Patten)作為最後一任港督，關係伊的是非恩怨，佇咧香港回歸了後慢慢仔互儂放bē記得。即世儂佇咧政治界盤nóa四十外年， 現子時，伊決定退出政界，專心專意去做牛津大學（University of Oxford, 拉丁文:Universitas Oxoniensis，簡稱 Oxon.）的校長。離開政界的時陣，彭定康感覺比往過佫咔會當坦白講出家己的心聲囉。

踏入政界，會使講是「注死ê」（無意中的代誌）

楊瀾（記者，下底簡稱楊）：彭爵士，汝好！

我拄拄看過汝的大作《不平凡的外交官：關係國際事務的實在話》。從中，有一寡互我不止感興趣，汝佇冊尾寫講，即本冊略仔有sêng汝的告別宣言。我頭一個問題：汝哪會決定即陣著卜告別政界？敢是想講都也60外，按算卜退休ah，抑是其它啥物原因？

彭：伐入政治界，真正是無意中的代誌。我少年hit陣，靠獎學金入牛津，當時我對政治呣是真興，我捌去搬戲，寫作，參加真儕體育運動，路尾熟似著阮牽手兮，本然我應該去英國廣播公司食頭路。

　　2005年10月12號中國成功發射「神舟六號」太空飛船，隔轉日，日本《讀賣新聞》隨發表社論講，中國的航天科技當咧快速發展，並且已經取得了真大真好的成就；講日本過去確實傷過看輕中國強大的科技實力，（日本）佇航天領域已經輸中國輸足儕足儕。

　　佮2003年「神舟五號」無共款的著是，即擺神舟六號將beh佇太空進行某寡技術的測試，目的是保障中國航天員會通佇太空停留咔久的時間。社論講，按 即陣開始遘kah兩年後，中國將beh按計劃實現航天員佇外太空kiâⁿ-sóa，也著是佇太空飛船外口活動；這以外，此去中國佫按算beh起太空實驗 室；利用當咧研究的大功率火箭，建造家己的太空站。

(閱讀全文)

　　小泉 照时顿 去咧 拜鬼，诚侪 中国侬 气kah phut-phut-tiô，一腹火 强beh 忍 bōe 落来。我讲中国侬实际免hiah紧张，若会当暂时先将道义放一边，换一个角度，泠静来看待小泉即出小鬼仔步，形势 hoān势 soah拢变倒过来，变kah对中国真有利。敢有影安呢？看māi 汝着知：
　　
　　日本军国主义阴魂不散，着若像「互汝跋倒」（哈利伯特）即出故事内面 hit箍 伏地魔，不管时着咧走找机会，数想beh借尸还魂。侪年来，关于日本政客朝拜靖国神社的问题，一直是东亚地区和平佮安定的一粒定时炸弹。Nā即点，中、韓、朝三国拢诚清楚，呣佫世界真侪国家拢看无、想无。即摆，好佳哉 是 日本仔数想beh做联合国常任理事，想kah beh起痟，又佫车盘hiah-nī thiám，才来引起中朝韩三国民众强烈反弹，几落千万侬相争签名顿印起抗争，着是安呢，世界才通了解日本万恶、卑耻的真面腔，才通了解日本侬无影咧改过自新。即mái 拄好遘kah世界各国纪念反法西斯战争60周年的流摆，iah日本侬偏偏beh伫咧即款敏感时期硬斗拜神祭鬼。中国 本成 有空着咧找无榫啊，即摆拄好趁着机会，顺sòa无加工，tiàm联大kā修理理的，tu̍h一个互去哀父叫母。这敢讲呣是好代誌？Iah nā即阵，上无， 白当大日 无侬敢讲日本政府拜靖国绝对hām往早罪恶的历史无牵碍。会用讲，中国阻挡日本入常，不但代表着本国佮侪侪厝边国家的民意，又佫是有效来约束着日本国内愈来愈chhàng鬚的军国主义。中国即mái手头攑的即叢旗，讲咔súi气的，he是表示讲咱全心全意咧维护反法西斯战争的胜利成果，咧维护联合国的宪章，咧保卫地区佮全世界的和平！咱是咧替天公伯维护正义！即叢旗当然嘛嗳攑，攑愈悬愈好。

(翻譯／Limkianhui)

當今國際關系的基本道理，會使講是純粹的利益交關，無永遠的朋友，嘛無永遠的敵人，只有永遠的利益。雖然真儕中國儂透底了解即个基本道理，不而過有時仔總 是會受著感情因素的纏絆，可比講，對待新加坡，真儕中國儂往往因為感情方面放bōe離，soah將in 當做是遠親來咧看待。中國儂定定有即款想法，認為講既然全世界的猶太儂攏為猶太儂，安呢，全世界的華人嘛應該為華人chiah-tio̍h。新加坡是一个 華人佔多數的國家，國土摻中國也無交插(kau- chhap)，應該無啥物利益的沖突。過去，因為中國鬧“極左”、鬧“輸出革命”，確實捌因為安呢來影響著兩國的關系。不而過，遐攏古早時代的代誌嘍。 “階級鬥爭為綱”早著已經過去，現此時，中國是全力來咧拼經濟，改革開放，歡迎外資。亦新加坡佮中國共文共種，佫平平用簡體字，in 不但是有了解西方，而且又佫熟似中國，定著會成做”中国改革开放、经济发展的受益者”。所以，中國儂一貫真自然著共新加坡當做是朋友，對in 一再吞忍，一再優惠。中新建交以來，兩國貿易額、投资额大幅度增長，亦中國甚至猶佫聘请新加坡一寡仔有頭有面的儂來做國策顧問；將海峽兩岸的“汪──辜会 谈”安排佇新加坡來舉行…應該講，中國已經真顧新加坡面子嘍。呣若安呢爾，佇東南亞金融危機的時，中國無顧家己咧食虧，堅持人民幣呣貶值，佇關鍵的時陣， 替東南亞各國穩定貨幣行情，實際是直接來咧幫助新加坡。逐个攏知影，金融業是新加坡的支柱產業之一。中國犧牲自已，穩定金融，即中間新加坡得著的利益上 kài 儕。中國為新加坡所做的，實際上已經超越國際關系的基本原則，一再為伊犧牲家己的利益。中國是真真正正將新加坡當作是朋友佇咧看待。不而過，新加坡又佫是 安怎來咧對待中國咧？

(閱讀全文)

　　昨昏，中国為着日本首相小泉纯一郎佫一摆参拜靖国神社做出强烈的反应，外交部长李肇星紧急召见日本驻华大使表示严厉的谴责；这以外，原底按算beh坫北京举行的朝核问题协商嘛随取消去。

　　李肇星警告讲：“小泉首相著嗳敢做敢当，嗳对家己的错误，佮所造成的严重政治后果承担全部的责任。”


(閱讀全文)

　　因為中國咧發展實在真緊，進前日本已經為著中國來改變地緣戰略，即擺連國內的政治趨勢嘛受著中國的影響。對日本來講，自1990年出現泡沫經濟過後，十幾年來，伊上煩惱的著是即个厝邊一工一工咧轉大。
　　Khêng實互日本儂感到第一煩惱的，呣是中國目前的政治、經濟佮軍事實力。Beh講經濟，現子時 中國對日本並無形成明顯的威協，顛倒是兩國之間的互補愈來愈明顯，汝共看：日本的優勢在電子産品、工程技術佮汽車工業；ah nā中國的優勢是hiah-ê勞力成本咔kē的加工製造業。韓國一寡仔一粒一的跨國公司才是日本真正的對手。Nā高科技即方面，中國對日本的競爭猶比bōe過意大利（義大利）。

(閱讀全文)

遘taⁿ为止，這只不過是風聲爾。根據了解，晉前從來呣捌有半个福建儂任職中國國臺辦。觀察人士認為，互福建儂來做臺灣工作是一層好代誌。福建社科院院長嚴正、福建省社科院臺灣研究所所長吳能遠攏表示講，福建儂做工灣工作有特殊的優勢，福建佮臺灣，佇地緣、血脈、文化各方面關系密切，大多數的台灣儂祖地佇福建；福建儂比國內其它所在，佫咔了解臺灣人民咧想啥，嘛咔知臺灣的情況，佮臺灣儂的溝通會咔通徹。聽講，以前，中國有的專家嘛捌向中央建議互福建儂入國臺辦，不而過中央並無采納。今年全國“兩會”期間，更加有政協委員呼籲大量增加國臺辦福建儂的比例，特別是閩南籍的福建儂。

專家認為，即擺中共中央決定卜調福建在地官員入京，嘛說明福建佇對臺工作當中的地位當咧提懸，中央嘛希望未來制定兩岸政策的官員，會當對閩南文化有咔深咔儕的了解，安呢纔會當得著咔儕臺灣儂的支持。