我知影moCasting.com是一間優秀的BSP託管，若呣是因為我儂滯佇中國，我嘛bōe來離開伊。人生著是安呢，反起反倒，變化無常，今仔日猶佫好勢好勢，明仔再hoān勢隨出代誌ah！原因講傷儕無路駛，互儂去ioh著好啊。卜走進前，真感謝mocasting.com提供的服務，嘛感謝各位好朋友的關心。長期安呢搬來徙去，真正bē堪咧，我家己心肝掠坦橫，雖罔是窮赤，猶原喙齒根咬ân，敢敢租一tè空間落來，家己搭wp-blog，“家己刣，趁腹內”。
新厝滯佇： http://amoy.czm.cn/cittolang
有看著的朋友，相招來去行踏se̍h-chhit-thô heh^^^^^^^^^^
踅本站的時hoān-sè會拄著的問題／瀏覽本站時可能遇到的問題（FQA）
1、有亂碼？
1）、這可能是因為電腦字體（字型）的問題。汝的電腦若是無安以下chiah-ê字體，著有可能看bē著本站的字符（漢字、羅馬字、符號），建議汝安chiah-ê字體：Chairs SIL、Doulos SIL……
2）、建議咱咧看網頁盡量mài用 IE，建議汝用Firefox……
3）、也有可能是wp-blog系統本身的問題。
2、有的站外鏈結bē用得？
1）、即款情況大多部是因為原底的網址變動，本站未赴更新所起致。
2）、嘛有可能是因為原底連去的網站即mái已經無佇咧，比論網站徙位、取消，抑是被封鎖去。
3、有的音頻無聲？
1）可能是連去音樂網址bē用得（死鏈）。
2）也有可能是網速的問題。
3）歹勢啦，佫來著是朋友咱的電腦作業系統hoān-sè siuⁿ漚古，建議咱升級遘windows xp sp2.
從（chêng）舊年年底開始做Podcast（播客），遘kah taⁿ，算講有一段時間啊。拄初初做Podcast的時陣，興頭咔懸（koân），頭頭尾尾 算算咧，攏總做差不多十外外檔。過年後，嘛是有佫再做一寡，總是嘛呣是真捷做，定定是做一工著làng幾落工 安呢。Kiám-chhái真正應驗著儂常在（chhiâng-chāi）咧講的一句話，講號做「頭興興，尾冷冷」。其實，除去真正有即方面的原因（貧懶 兮（pîn-toāⁿ—ê）我嘛算一个）以外，佫咔是因為路尾我發現家己kán-ná小可有「五音不全」。Ah nā即个「發現」，會使講是最近的代誌niâ，往過攏無即款感覺。往早，he正港是 家己看bōe著耳仔。
做Podcast， 需要錄音。家己寫，家己講，家己錄；錄了，家己先聽一遍，bē滿意著噯佫重錄，小可仔「咔有親像」chiah thang摕出來hām眾儂做夥來分享。初起先teh學做Podcast hit陣，咔拼勢，兩三日 著錄咧四五檔，hit陣 咔無致重錄音的品質，講話的技巧啦、音質效果的處理啦，攏無斟酌去chhiâu，所以，做出來的節目，品質實在真無理想。雖然無儂kā咱提意見，呣佫，是 好是bái，咱家己心裡猶原是 癮龜兮（ún-ku—ê）peh崎——栽栽（知知）咧。因為，咱呣是hit-lō 家己呵，bōe臭臊，厚面皮的儂，咱家己有啥物欠點，抑是講 叨位做了無夠的，咱家己心中有數。
華視8點檔電視連紲劇《舊情綿綿》搬百幾集啊，自舊年8、9月仔搬遘taⁿ，猶佫未煞，聽講已經是換第三代演員囉。會記得，頂擺的頂擺（舊年啦），我倒去廈門，注死tn̄g著即齣《舊情綿綿》拄好開始佇咧搬，hit擺，拄好我請 成禮拜的假期，嘛拄好是阮牽手兮 佮 阮丈姆婆仔in兩个母仔囝一工遘暗咧看台灣的電視，我「局不局」趁in直直看，攏總看差不多卜5~6集。初初看即齣戲，感覺hàm-hàm niā、普通普通啦，總是，無通真好，也呣是講偌bái–安呢。這是我對即齣戲，上頭仔的印象。
路尾，佫過久久，差不多有一月日hiah-ni̍h久，我佫轉去廈門，無疑悟 即齣戲soah猶佫佇咧搬。呣佫，即擺，我並無注神坐落來斟酌kā欣賞，原因是，第一，hit擺倒去，有足儕代誌噯做，確實真無閒，當然嘛無心情（sim-chiâⁿ）好好坐落來看電視；第二，是我家己的思想咧作弄，我想講像即款戲搬chiah久，穩當又佫是hit-lō「漚戲咧gâu拖棚」，mài看也罷！因為有安呢想，所以，佫咔無可能tiām-tiām-á 坐落來觀賞……等我代誌chhiâu好勢，著做我佫轉去工地做工囉。
最近即擺，是拄好sòa著春節假期，通好佫一擺轉去閩南過新正。想bōe遘，真正想bōe遘，想bōe遘 即箍「華視」猶佫佇hia咧「舊情綿綿」……阿娘喂，擋chiah久，真正無簡單！
(閱讀全文)
今仔日中晝，雄雄發現《六月無善北》peh會得去囉！敢講是中國解除對blogsome的封鎖啊呣？有即款代誌？佫試一遍看māi，精實有影neh！即擺，無信聖（sìn-siàⁿ）嘛著噯暫時bóng信。是講，ah這是tī 時的代誌咧？頂一暫仔，我 會記得 oân-á 捌 超工 佫 kā 試咧，ah hit 陣 明明 著 猶佫 teh 封鎖，想bōe遘 無偌久了後的今仔日，封鎖 soah 解除啊。
中國開始封鎖blogsome，是舊年（2005年）熱儂，遘taⁿ 算算咧，已經強卜9月日久啊。舊年blogsome拄拄hông封鎖hit陣，國裡外著有bōe少儂徛出來講話，通過各種方式對GFW即種違背基本人權的漚步，表示譴責佮不滿。當時，tòa佇國外的“马乐伯乐谷”有寫一篇報導——《Don’t stand between me and my Blog！》，對GFW的行為進行 摳削 佮 phì相。我感覺即篇報導寫了真讚，當時著有kāi翻譯做閩南文，題目無變，共款號做《Don’t stand between me and my Blog！》。
(閱讀全文)
Taokara的《雙倒水別莊（新）》，今仔日有出一篇《干證大理概》，當中有講著一寡lio̍h-á 咔臊（chho）、 咔薟（hiam）的，我摘錄一段互儂bóng鼻芳，大概是安呢：
「Masturbate」 佇閩南語裡底 上蓋 捷（chia̍p） 講做「拍手銃」，嘛有 khah 孽–ê thiau-kang kā 號做「五个 拍 一个」、「chek 豆奶」佮 「溜膦」–ê，……thang 用「手淫」來表示……朋友敢捌聽過一句俗語話，號做「三條茄，呣值得一粒蟯」(saⁿ-tiâu kiô, m̄-ta̍t-tit chi̍t-lia̍p giô)？這意思是講：三个 諸夫儂（cha-po·-lâng：男子），咔輸 一个 諸姥儂（cha-bó·-lâng：女子）。「茄」本成 著是 一條 長長，著親像 諸夫儂「下底hit 叢『第三支跤』」，所以，「茄」是代表「諸夫儂」。Ah nā 「蟯」本成 是 生活 佇 水底 的 軟體動物，佮「蚶仔」啦、「蜊仔」啦、「九孔」啦…平平攏是共一類的，比論講「粉蟯」（北京話：文蛤 ）。北京話咧講的即个「田蚌 / 蚌殼」，漳州話號做「田棓 / 蟯棓」（chhân-pe / giô-pe），這 嘛有 用來 咧 罵–儂，意思佮「膣bai」（chi-bai）共款，表示「陰戶」。因為 漳泉儂 自來 kā 諸姥儂「hit-ê所在」（陰戶）比論做「蟯」，所以，有噹時仔，儂咧講「蟯」，he著是代表「諸姥儂」（女性）的意思啦。
翁仔姥 鬥陣做夥， 常在(chhêng-chāi) 咧做 hit-lō「工課」（khang-khòe）、穡頭，這是「天公地道」的代誌。Nā 即款「工課」，儂講「lu田」或者「犁田」、「駛田」。佇咧 猶未 開始 正式「犁田」進前，往往 著噯 加少 安呢「thoáⁿ 一寡草仔」、「戽（hò·）淡薄田水」，thang 為 小停 正式「駛田」來做準備。這號做「熱車」啦。這oân-á 有一招，儂講「69式」的，kài時行，會使講是中外有名，世界通儂知（kan-na 活死儂 呣知niâ）。講著 即招，呵呵，凊彩 用 跤頭u 想想咧，嘛知影he著噯男女雙方相互配合chiah有通sńg。正港是「錢無兩个，poa̍h bōe鏘」。即中間，諸姥儂 做的工課，儂講「含茄」（kâm-kiô），ah 諸夫儂 做的工課，儂講「舐蟯」(chi-giô)。
《閩南之聲》廣播，是廈門人民廣播電臺佇舊年（２００５年）開通的一个新的廣播頻道，用閩南語放送。本然，我是久久攏無咧聽廣播囉，算算咧差不多三四年啊。Ah今仔日，想講bóng來去kā聽看māi咧。這是頭一擺聽《閩南之聲》廣播，儂佇咧外省，無法度用收音機聽，我選擇在線收聽。
進前，lio̍h-á有聽朋友講起《閩南之聲》廣播，總是「儕儂呵咾，少儂嫌」啦。見擺聽朋友講起，我攏tiām-tiām無做聲，因為我無親耳空聽著，呣敢烏白kā儂講東講西。
今仔日早起，量其約仔十點捅仔開始，佇線頂聽一tiap久仔，具體是tó一檔節目，咱mài kâng「點油做記號」啦，因為咱sòa 落來，beh講的攏是一寡kâng嫌的話，所以，mài kâng 叫名叫姓咔好啦。
雖然是聽一tiap久仔，不而過，講正經的，咱是聽 kah雞母皮強強beh giâ起來，愈聽愈掠狂，實在聽攏bōe落去啊，歸去 禁禁捒（sak）咔清閒！
(閱讀全文)
| 线上闽南语会话 |
| 厝邊頭尾 |
| 网路电视 |
| 線頂閩南語廣播 |
| 闽南语输入法 |
| Unicode字體（萬國碼字型）download |
(0)