遘taⁿ為止，中文wikipedia對母語的定義是安呢——
母語，嘛叫做「第一語言」，是一个儂自出世了後，上早學會曉的語言，有可能是一種，嘛有可能咔加。一般來講，母語是咱自細漢來學、一直遘kah大漢、成儂攏有咧運用的語言。咱所接受的家庭教育、抑是講佇外口接受正式的教育，特別是早期，透底是通過母語來完成的。
母語的運用能力，對咱日後的學習過程來講，真正重要。因為咱咧想代誌、咧思考問題，透底是用母語咧做基礎，所以講，母語佇整個(chéng-kô)教育的過程當中，實在有中心的地位。假使母語學無倒，佫beh來學其它的語言，可能著會加真艱難。
「母語」即个講法，有時仔會存在誤解。呣是講咱出世佇叨位、是啥物款的血統，咱的母語著一定hām he有治代。母語嘛無一定是母親的語言，比論講有的「父系社會」，母親可能來自無共的語言區，Ahin 的囝兒示細往往kan-na會曉當地的語言，佫透底bōe曉母親往早的語言。共款的道理，有的儂移民過番去外位，tiàm外鄉生根落箬（篛，hio̍h），in 後代囝孫仔的「母語」，著無一定是先輩祖籍地的語言。
對每一个普通儂來講，母語有可能呣nā一種niā，有可能兩種、三種、四種，甚至佫咔儕。代先學的（語言），無一定比倒尾學的咔熟手。
——————————————————————————–
這著是中文維基百科的觀點。
林先——我基本同意即个看法。我的母語kan-na一種，我用一个咔中性的叫法來kā號名（呣是我發明的啦），號做「漳泉語」汝看安怎？
(0)
